死————

死是什么？


死，或亡，意思係生命完咗，永遠都唔會返生，生物學上嚟講，呢個係永久嘅狀態，而且係生物就紿終都要死。死嘅相反係出世。死可以自然死，例如病死，又或者非自然死，即俾人或物終止生命，例如發生意外、被殺……等。傳統來講，人無咗心跳、無呼吸就當佢已死，但問題係以現今嘅醫學技術，心肺可以復甦而令到身體機能回復活動。現代科學上可以分做瀕臨死亡期、臨床死亡期同生物學死亡期。目前公認嘅醫學觀念用腦幹死亡做腦死亡嘅標準，一旦個腦死咗，即係腦部冇活動嘅象徵，就當個人已死。病、受傷、中毒等可引致死亡。哩啲種種嘅原因破壞主要器官嘅功能，影響身體，搞到內部失衡，最終引致死亡。即使冇外在因素嘅破壞，所有生物始終都要死。每種生物都有佢嘅死期，人一般唔過一百歲。好似其他生物一樣，人會隨時間而衰老，健康慢慢惡化，最終死亡。由於對死字有所忌諱，粵語/漢語對死描述嘅辭彙極其豐富，叫法好多好多，例如：

• 婉轉啲嘅：過身、過世、去世、瓜柴、瓜老襯、瓜咗、釘蓋、釘咗、去咗、走咗、香咗、淋咗、冚旗、兩腳一伸、伸直咗、行先一步、Game Over、摺埋、長休、玩完、已故、斷氣、賣鹹鴨蛋、百年歸老、返返舊時嗰度、一命嗚呼、撒手塵寰、駕崩（帝皇專用）、香銷玉沉（女人專用）、冚國旗、天妒英才、移咗民、去咗遊埠…
• 好聽啲嘅：辭世、與世長辭、辭去人世、百年之後、壽終正寢（男）、壽終內寢（女）、成為故物、嗚呼哀哉、已故、作古、大去、仙逝、安眠、安息、往生（佛家語:指去另一個世界生活）、駕鶴西歸 …
• 有宗教色彩嘅：魂歸天國、蒙主寵召、安息、上天堂、圓寂、涅槃、歸西、仙遊、登極樂、上西天、見閻羅王、上咗路（黃泉路／陰司路）、落黃泉、落地獄、落下面、洗陰司紙、食香、嘆元寶蠟蠋、氣數已盡、乘鶴西去…
• 政治色彩嘅：見馬克思、搵毛主席…
• 正面啲嘅：殉國、殉教、殉職、殉道、成仁、犧牲、與世長辭、壽終正寢、英年早逝、返魂乏術、就義…
• 未成年人死：夭、夭折、夭母、短折、夭亡、殤、夭殤、早逝（英年早逝）、夭逝、天逝、棄養、夙殞、天服之殤…
• 自然死嘅：壽終、登仙、百年、老了、謝世、長逝、長往、長辭、歸室、歸泉、走了、去了、故去、就木、壽終正寢、壽終內寢 …
• 非自然死嘅：自盡、自殺、被殺、遇刺、遇難、身亡、暴斃、斃命、喪生、非命、病逝、斷魂、隊冧、解決咗、攪掂咗、魂斷XX（XX係一個地方，可以係：香港、長城、異鄉、南山…）、葬身XX（XX係一個空間，可以係：火海、大海、魚肚、輪下…）…
• 單字：殁、殞、斃、薨、卒…

死字属于歹字族。在歹字族里，歹字都是声符兼义符。歹字族汉字都与“割肉裂骨”之义有关。死的本义是“口含食物后割肉裂骨”。

在古代，人们对“死亡”大致有三类说法： 一类是上天，皆带有褒义。 一类是入地，如“下十八层地狱”，明显有诅咒的意思。但因为实际上人死后的确是要葬到地下的，所以“入地型”更多的是不带贬义的，譬如“入土为安”就包含着祝福死者太太平平地“长眠”的意思。 还有一类并不讲去哪，只讲碰到谁，如“见列祖列宗”“见上帝”“见阎王”，或是老陈死前说的“我去见先帝”。仿照这一格式，近几十年还出现了“见马克思”的说法。